V&B Group 1 - 11 HUMILITY and HOPE

 

A creative writeback from the poem "Balaki Ko 'Day Samtang Gasakay Ta'g Habal-Habal" by Adonis Durado

Sa lungsod sa samboan ug sa ginsakupan niining mga barangay. Atong masayran ang nagkalainlaing mga bahandi nga minugna gikan sa atong kinatas-an ug nahimong usa sa mga lugar na ginabisita sa mga turista sama sa suba,busay,dagat/santwaryo, ug uban pa .Ang usa sa gisaligan nga gigamit sa tranportasyon mao ang "habal-habal'', ilabina sa mga taga bukid nga maoy naghatud nila para maabot sila sa ilang tagsa-tagsa ka padulngan.Mao pod usab sa mga magtutudlo ilabi na kong sila madistino sa mga kabukiran, sukad pa kaniadto hangtud karon, gani ang kadaghanan kanila nangaminyo sa ilang mga tighatod.

Sama kini sa usa sa inila nga balak ni Adonis Durado nga nag-ulohang "Balaki Ko 'Day Samtang Gasakay Ta'g Habal-habal." Kani nga balak mahitungod sa romantikong huna-huna sa maong lalaki samtang silang duha nagbyahe kauban sa iyang angkas nga babaye. 

Matud niya, "Gaksa kog hugot day sama sa atong gugmang nagkahi-usa, bisan paman sa kalugbak sa dalan nga atong giagian ,isipon ta kining mga pagsulay nga atong gisagubang.Ug aron usab mabatyagan ko ang kainit sa imong gininhawa, susama sa nagdilaab kong gugma nga alang lamang kanimo.

Dayon samtang kita nagakatulin niining atong panaw , mamiyong tang duha ug isipon ang posibilidad ug paglaom nga hangtod sa kahangturan kitang duha magsinaluay sa matam-is tang  gugma.

Kaanindot sa mensahing gipaabot, apan dili tanan susama sa among pagsabot. Kamo nay mag-igo kung unsay inyong ikasulti .Kun kamo adunay ikadugang, andam ming modawat sa inyong komintaryo. Unsa pay inyong ginahulat? comment na!